Театарот „Златен елец“ ќе ја изведе претставата „Куќа на духови“ во Социјалниот центар „Дуња“. Претставата ќе се одржи на 19.2.2023 година (недела) со почеток во 20:00 часот. Препорачаната влезница за поддршка на независната театарска група е 200 денари. Подолу можете да го прочитате повикот на Театарот:
Дневникот на лудиот 3:
„КУЌА НА ДУХОВИ“
според Ги Де Мопасан
🗓19.02/20ч. (резервации на фб/инстаграм со порака
или на [email protected])
🎟Препорачана цена на билети: 200ден.
📍Локација: Социјален центар “ДУЊА” Скопје (@sc_dunja )
режија: Ѓорѓи Ризески
актер: Бобан Алексоски
асистент на режисер: Тамара Стојаноска
превод на текст: Наташа Пеевска
композитор: Алмир Бајрамски
фотографии и видео: Емил Пачковски
Дизајн на слика: @batarinjo
„Куќа на духови“ е последниот дел од трилогијата „Дневникот на лудиот“ после Дневникот на лудиот 1 според Николај Гогољ и Дневникот на лудиот 2: „Човекојадство“ според Лу Син. Во месец април 2022 година проектот прослави 50 изведби и 4 награди за претставата (три за најдобар актер и една за најдобра режија).
Во третиот дел од трилогијата, Аксентие за последен пат преку ретроспекција на настаните се обидува да си објасни себеси дека не е луд и бара начин да ја разбере својата болест и да се справи со своите трауми. Во Аксентие се кријат повеќе ликови кои дејствуваат како засебни личности со посебни животи, интереси и идеологии. Човечкиот мозок е неистражена територија која секогаш бара различни начини за да се заштити од траумите и лошите моменти од животот. Публиката која овојпат е повикана на тајна вечера, конечно ќе се соочи со сите делови од Аксентие. Аксентие од првиот дел, Аксентие Човекојадецот од вториот дел и сите останати сенки меѓу кои и самиот актер Бобан.
“Да создаваш и да уништуваш! Во овие два збора е содржана историјата на универзумот,
сето минато на сите светови, се што постои, сѐ!” – Ги Де Мопасан
