Денес пред Министерството за здравство се одржа протестен собир на пациентите со цистична фиброза за воведување на модулаторна терапија која од корен ја видоизменува состојбата на пациентите. Собрани се над 10 000 потписи за оваа цел, тие биле приложени до Министерството за здравство, но зошто се уште нема обезбедено терапија и дали ќе се обебеди, Асоцијацијата за цистична фиброза нема добиено одговор.
Ивана Атанасоска, членка на асоцијацијата, на протестот се обрати со следните зборови:
„Она што сакаме ние да го кажеме преку овој протест е дека живееме со 25% капацитет на белите дробови, дека се бориме за секој здив и дека го немаме тоа време и комодитет кое го има министерството. За жал покрај битката со нашата болест, се бориме и со институциите, што ни одзема сила и енергија.
Преку овој протест го бараме нашето основно човеково право, право на живот и право на лек за секој еден од нас.
Секое исчекување и залудна надеж за подобро утре, за нас носи само дополнителен немир и разочарување. А ова се повторува постајано и постојано. Ни ја срушија довербата во институциите и системот со празните ветувања кои ги даваат постојано. Залагањето за инклузија во општеството стана девалвирана реченица која како расипана полча ја повторуваат оние кои ја имаат моќта и можноста за промени.
Во духот на празниците кои следуваат, залудни се сите чествувања на државни и верски празници ако не го сакате народот како ближниот свој“.
